Gjatë tubimit të mbajtur përpara Parlamentit, ish-oficeri i Policisë së Shtetit, Krenar Ahmeti, u ka bërë thirrje efektivëve në detyrë që të mos përdorin dhunë ndaj pjesëmarrësve në protestë dhe të shmangin ekzekutimin e urdhrave të jashtëligjshëm.

Në fjalën e tij, Ahmeti kërkoi nga zinxhiri komandues dhe punonjësit e policisë që të respektojnë të drejtën ligjore të qytetarëve për të protestuar në mënyrë paqësore. Ai nëvizoi se përvoja e tij profesionale i jep njohuri mbi procedurat e ndërhyrjes, duke paralajmëruar se nëse policia përdor forcë të tepruar, reagimi i qytetarëve do të jetë i organizuar.

Ish-zyrtari i policisë apeloi për vetëpërmbajtje nga ana e strukturave të rendit, duke kërkuar që qytetarët të lihen të lirë në ushtrimin e të drejtës së tyre për tubim, ndërsa vlerësoi se kauza e protestuesve është e drejtë dhe legjitime.