Të dhënat po ngarkohen...
Transmetuar më 23-07-2026, 19:04
Përplasjet mes policisë dhe protestuesve gjatë protestës së 54-t para Kuvendit prodhuan edhe momente të rënda, të cilat po qarkullojnë gjerësisht në rrjetet sociale.
Në një nga videot e publikuara shihet një grua e moshuar së bashku me djalin e saj, të dy të prekur nga efektet e gazit lotsjellës.
Ata shfaqen të përlotur dhe në gjendje të rënduar, ndërsa përpiqen të largohen nga zona ku po zhvilloheshin përplasjet.
Sipas personave që kanë shpërndarë pamjet, djali është person me autizëm.
Në video ai duket se po vuan nga efektet e gazit, ndërsa nëna përpiqet ta mbajë pranë dhe ta qetësojë mes kaosit të krijuar gjatë ndërhyrjes së policisë.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd