Protesta e zhvilluar sot para Kuvendit të Shqipërisë u shoqërua me momente tensioni dhe përplasje mes protestuesve dhe forcave të rendit. Gjatë tubimit pati hedhje vezësh, sendesh të ndryshme dhe mbetje në drejtim të godinës së Kuvendit dhe efektivëve të policisë.

Situata u përshkallëzua, ndërsa policia përdori ujë me presion, spraj irritues dhe gaz lotsjellës për të shpërndarë turmën. Gjatë përleshjeve pati persona të shoqëruar dhe të lënduar, si nga radhët e protestuesve, ashtu edhe të policisë.

Fotot e protestës pasqyrojnë momentet e tensionuara, përplasjet në terren, pasojat e përdorimit të mjeteve kundër turmës, si dhe ndërhyrjet e ekipeve të emergjencës për personat e dëmtuar.