Një person është aksidentuar pasditen e sotme në det, teksa ndodhej në një mjet lundrues që po udhëtonte nga Karaburuni drejt Vlorës.

Sipas informacioneve paraprake nga Policia Kufitare, i aksidentuari është Santiago Çerçizi, i cili dyshohet se ka rënë nga mjeti lundrues dhe ka pësuar dëmtim në kyçin e këmbës.

Fillimisht u dyshua se ai mund të ishte dëmtuar nga helika e një skafi, por rrethanat e plota të ngjarjes mbeten ende nën verifikim.

I plagosuri është transportuar për të marrë ndihmë mjekësore, ndërsa policia po merr në pyetje personat e tjerë që ndodheshin në mjetin lundrues për të sqaruar dinamikën e aksidentit. Hetimet vijojnë.