Raporti për Reformën Territoriale është miratuar në Kuvend me 84 vota pro nga mazhoranca, ndërsa në seancë ishte i pranishëm edhe kryeministri Edi Rama.

Punimet e seancës plenare u shoqëruan me tensione dhe debate mes mazhorancës dhe opozitës lidhur me raportin e komisionit për Reformën Territoriale.

Opozita kërkoi shtyrjen me tre muaj të afatit të komisionit, por kërkesa nuk u pranua nga mazhoranca. Pas kësaj, deputetët e Partisë Demokratike bllokuan foltoren e Kuvendit, duke çuar në një ndërprerje 5-minutëshe të seancës.

Kreu i grupit parlamentar të Partisë Socialiste, Taulant Balla, kërkoi që procesi të vijonte menjëherë me votim, pa diskutime.

Më pas, kryetari i Kuvendit, Niko Peleshi, kaloi çështjen në votim dhe raporti i ekspertëve i përgatitur nga bashkëkryetari i komisionit për Reformën Territoriale, Arbion Mazniku, u miratua me 84 vota pro.