TIRANË – Tensione të tjera janë regjistruar gjatë protestës përpara godinës së Parlamentit, ku një protestues ka mbetur i plagosur pasi është goditur me gur në kokë gjatë përplasjeve në terren.

Sipas pamjeve nga vendngjarja, i lënduari është ndihmuar menjëherë nga protestuesit e tjerë, të cilët e kanë transportuar me urgjencë drejt ambulancës me barrelë për të marrë ndihmën e nevojshme mjekësore.

Pavarësisht dëmtimit në kokë, i lënduari ka vijuar të bëjë thirrje drejtuar turmës "Mos u dorëzoni!", ndërsa situata rreth perimetrit të Kuvendit mbetet e tensionuar.

Mësohet se nga përplasja me policinë kanë mbetur të lënduar disa protestues.