FUTBOLL – Një peticion online që kërkonte përjashtimin e Argjentinës nga Kupa e Botës ka shkaktuar reagime të shumta në rrjet, pasi organizatorët pretenduan se iniciativa ka mbledhur më shumë se 23 milionë nënshkrime brenda një jave.

Fushata u shoqërua me akuza ndaj FIFA-s dhe arbitrimit, me mbështetësit e saj që ngritën pretendime për favorizim të kombëtares argjentinase gjatë turneut. Në përshkrimin e nismës u shprehën gjithashtu pakënaqësi për disa vendime të marra gjatë kompeticionit, organizimin e ndeshjeve dhe çmimet e biletave.

Megjithatë, peticioni nuk pati asnjë ndikim zyrtar në garën sportive, pasi Argjentina vijoi pjesëmarrjen deri në finalen e turneut. Pas përfundimit të sfidës së fundit, organizatorët njoftuan mbylljen e fushatës, duke falënderuar kombëtaren spanjolle për paraqitjen e saj.

Finalja përfundoi me fitoren e Spanjës 1-0 ndaj Argjentinës pas kohës shtesë, ndërsa ndeshja u shoqërua me tensione pas përfundimit, ku pati përplasje mes disa lojtarëve të të dyja skuadrave.

Sipas raportimeve, FIFA ka nisur shqyrtimin e incidenteve të ndodhura pas përfundimit të takimit, ndërsa pritet të vlerësojë nëse do të ketë masa disiplinore ndaj personave të përfshirë.