Një vajzë 9-vjeçare ka humbur jetën tragjikisht pasi u mbyt në liqenin e Komos, në Itali, teksa ndodhej me pushime së bashku me familjen.

Sipas mediave italiane, e mitura me origjinë nga Maroku u zhduk mesditën e së martës ndërsa po notonte me të afërmit në zonën Giardini a Lago, ku noti është i ndaluar dhe sinjalizohet me tabela paralajmëruese.

Pas një operacioni të gjatë kërkimi, zhytësit e Brigadës së Zjarrfikësve arritën të gjenin trupin e pajetë të vajzës në orët e vona të mbrëmjes.

Raportohet se zona ku ndodhi tragjedia karakterizohet nga një pjerrësi e madhe e shtratit të liqenit, e cila krijon rrezik të lartë për notarët. Sipas autoriteteve dhe mediave vendase, në të kaluarën në këtë vend janë regjistruar edhe raste të tjera mbytjesh.

Autoritetet italiane kanë nisur hetimet për të sqaruar plotësisht rrethanat e ngjarjes, ndërsa rasti rikthen në vëmendje rëndësinë e respektimit të sinjalistikës dhe ndalimeve në zonat e rrezikshme për not.

#Como, intervento dei #vigilidelfuoco nel primo bacino del lago, zona Tempio Voltiano: in corso le ricerche di una bambina di 10 anni. Impegnati soccorritori fluviali e sommozzatori [#21luglio 18:15] pic.twitter.com/d24oy3Yivm

— Vigili del Fuoco (@vigilidelfuoco) July 21, 2026