Një aksident i rëndë është raportuar pasditen e së martës në afërsi të qendrës tregtare TEG, në autostradën Tiranë–Elbasan, ku një betoniere dyshohet se ka rënë nga një segment i sipërm i rrugës në autostradë.

Sipas informacioneve paraprake, në vendngjarje kanë mbërritur shërbimet e Policisë dhe ekipet e emergjencës, të cilat po punojnë për menaxhimin e situatës dhe verifikimin e rrethanave të aksidentit.

Deri në këto momente nuk ka një njoftim zyrtar për numrin e personave të përfshirë apo nëse ka viktima ose të lënduar. Informacionet paraprake për pasojat mbeten ende të pakonfirmuara.

Autoritetet pritet të japin detaje zyrtare mbi dinamikën e ngjarjes dhe pasojat e aksidentit, ndërsa hetimet për zbardhjen e plotë të rastit janë në vijim.