Të dhënat po ngarkohen...
Transmetuar më 22-07-2026, 08:56
Një aksident rrugor është regjistruar mëngjesin e kësaj të mërkure në aksin Rrogozhinë-Lushnjë, pranë rrethrrotullimit të Çermës.
Një furgon mallrash është përplasur me një mjet bujqësor, duke lënë të plagosur rëndë drejtuesin e këtij të fundit, Ajet Kullolli, 50 vjeç, banues në Çermë.
Sipas të dhënave paraprake nga vendngjarja, furgoni dyshohet se ka goditur nga pas mjetin bujqësor.
I plagosuri u transportua fillimisht në Spitalin e Lushnjës, ku mori ndihmën e parë mjekësore.
Për shkak të gjendjes së rënduar shëndetësore, ai u dërgua më pas në Spitalin Universitar të Traumës në Tiranë.
Policia po kryen veprimet hetimore për të përcaktuar rrethanat dhe shkaqet e aksidentit.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd