Federata Italiane e Futbollit ka nisur një përpjekje konkrete për të bindur Pep Guardiolën që të marrë drejtimin e kombëtares italiane.

Sipas raportimeve të mediave sportive italiane, drejtori teknik Paolo Maldini, së bashku me këshilltarin e tij Leonardo, janë takuar me trajnerin katalanas në Barcelonë, ku i kanë prezantuar projektin e ri teknik për rikthimin e Italisë në majat e futbollit botëror.

Guardiola, i cili së fundmi mbylli një periudhë 10-vjeçare në krye të Manchester Cityt, ka bërë të ditur se nuk ka ndërmend të rikthehet menjëherë në një pankinë. Megjithatë, interesimi i federatës italiane ka bërë që mundësia e një aventure me “Axurrët” të mbetet e hapur.

Presidenti i Federatës Italiane të Futbollit, Giovanni Malagò, ka deklaruar se zgjedhja e trajnerit të ri do të varet nga disa faktorë, përfshirë gatishmërinë e kandidatit, kërkesat financiare dhe mundësitë ekonomike të institucionit.

Përgjigjja e Guardiolës pritet në ditët e ardhshme, ndërsa krahas tij, në listën e kandidatëve për drejtimin e Italisë vijojnë të përmenden edhe Roberto Mancini dhe Andrea Pirlo.

Një marrëveshje me Guardiolën do të përbënte një nga lëvizjet më të bujshme në historinë e pankinës së kombëtares italiane, e cila kërkon një projekt të ri pas rezultateve zhgënjyese të viteve të fundit.