Gjykata e Lartë ka shpallur listën zyrtare të kandidatëve që do të garojnë për anëtarë të Këshillit të Lartë Gjyqësor (KLGJ), si edhe datën e zhvillimit të zgjedhjeve.

Sipas njoftimit zyrtar, në garë janë shtatë kandidatë nga nivele të ndryshme të sistemit gjyqësor:

Arbena Ahmeti – Gjykata e Lartë; Sandër Simoni – Gjykata e Lartë; Igerta Hysi – Gjykata e Posaçme e Apelit për Korrupsionin dhe Krimin e Organizuar; Fatri Islamaj – Gjykata e Apelit të Juridiksionit të Përgjithshëm Tiranë; Matilda Llangozi – Gjykata e Shkallës së Parë të Juridiksionit të Përgjithshëm Tiranë; Brunilda Kadi – Gjykata e Shkallës së Parë të Juridiksionit të Përgjithshëm Tiranë; Manjola Xhaxho – Gjykata e Shkallës së Parë të Juridiksionit të Përgjithshëm Tiranë.

Ndërkohë, kryetari i Gjykatës së Lartë, Sokol Sadushi, ka caktuar datën 25 shtator, në orën 10:00, për zhvillimin e mbledhjes së përgjithshme ku do të zgjidhen anëtarët e rinj të Këshillit të Lartë Gjyqësor. Procesi i zgjedhjes do të zhvillohet në përputhje me procedurat e parashikuara nga legjislacioni në fuqi.