Mateo Borri ishte i ftuari special i Brikena Selmanit në emisionin “Top Arena”, ku çifti ndau me publikun detaje nga historia e tyre e dashurisë.

Gjatë intervistës, Mateo iu përgjigj disa pyetjeve personale, duke pranuar se është ai partneri më xheloz në marrëdhënien e tyre.

“Unë mbahem për person të drejtpërdrejtë, ashtu si edhe për xheloz. Këtë e kam thënë edhe në ‘Big Brother VIP’. Për një njeri që dua, do të bëhem xheloz dhe këtë gjë nuk e ndryshoj dot kurrë në karakterin tim. Mund ta zbus, mund ta përmbaj veten, por jo ta eliminoj”, u shpreh ai.

I pyetur se si do ta përshkruante Brikenën me pak fjalë, Mateo tha: “E bukur, e zgjuar, pak dramatike, pak impulsive, ambicioze dhe e shkathët”.

Momenti më i komentuar i intervistës erdhi kur Brikena e pyeti nëse kishte dashur ndonjëherë një vajzë më shumë se atë.

“Jo, nuk kam dashur asnjë femër sa ty. Këtë e kam kuptuar në momentin që kam shkelur shumë gjëra të vetes sime, që nuk kam menduar se do t’i shkelja kurrë për një partnere. Dhe ajo e vetmja je ti, sikur më ke bërë magji”, u përgjigj Mateo.

Brikena iu kundërpërgjigj me humor: “Magji të zezë”, duke sjellë një moment që u prit me të qeshura gjatë emisionit.