PARIS – Didier Deschamps i ka dhënë fund aventurës së tij si trajner i kombëtares franceze pas 14 vitesh në drejtimin e “Les Bleus”. Me emocione të forta dhe lot në sy, tekniku francez konfirmoi largimin e tij, duke theksuar se vendimi u mor në të mirë të ekipit kombëtar.

Deschamps, i cili udhëhoqi Francën drejt triumfit në Kupën e Botës në vitin 2018, mbyll një periudhë të suksesshme në krye të skuadrës. Gjatë mandatit të tij, Franca arriti gjithashtu dy finale të mëdha, edhe pse nuk arriti t’i fitonte ato.

Në intervistën e fundit si trajner i “Les Bleus”, pas humbjes ndaj Anglisë me rezultatin 6-4, Deschamps shpjegoi arsyet e largimit të tij. Ai tha se atmosfera rreth ekipit ishte bërë e vështirë dhe se kishte ardhur momenti për një ndryshim.

“Skuadra franceze është mbi gjithçka. Nuk më përket mua, unë isha në shërbim të saj për ta çuar më lart për katërmbëdhjetë vjet. Nuk ka asgjë mbi këtë fanellë”, u shpreh Deschamps i emocionuar.

Ish-kapiteni i Francës dhe kampion bote si lojtar në vitin 1998, Deschamps largohet nga pankina e kombëtares duke lënë pas një trashëgimi të rëndësishme në historinë e futbollit francez.