Një gjest i pazakontë i mbrojtësit të Spanjës, Marc Cucurella, përpara finales së Kupës së Botës 2026 ka tërhequr vëmendjen e tifozëve dhe mediave. Pak çaste para nisjes së sfidës ndaj Argjentinës, mbrojtësi i majtë u shkëput nga shokët e skuadrës, iu afrua vijës anësore dhe vendosi një monedhë në barin e stadiumit.

Pas ndeshjes, ish-mbrojtësi i Spanjës, Joan Capdevila, kampion bote në vitin 2010, zbuloi se veprimi ishte bërë me kërkesën e tij. Përmes një postimi në rrjetin social X, ai shpjegoi se bëhej fjalë për një traditë supersticioze që e kishte ndjekur edhe vetë përpara finales së Kupës së Botës 2010.

“Në vitin 2010 varrosa një monedhë në fushë para fillimit të ndeshjes. E kam treguar shumë herë këtë histori. Kërkova që e njëjta gjë të bëhej edhe këtë herë. Marc, të dua shumë. Je kampion bote!”, shkroi Capdevila.

Gjesti i Cucurellës u interpretua si një simbol i fatit të mirë dhe një mënyrë për të përcjellë traditën nga një kampion bote te brezi i ri i futbollistëve spanjollë.