Një aksident rrugor është regjistruar pasditen e së hënës në afërsi të Gramshit, ku një automjet ka dalë nga rruga dhe është përmbysur, duke lënë të lënduar dy persona.

Sipas informacioneve paraprake, ngjarja ka ndodhur rreth orës 14:05. Dyshohet se drejtuesi ka humbur kontrollin e mjetit si pasojë e shpejtësisë, çka ka bërë që automjeti të dalë nga rruga dhe të rrokulliset disa herë.

Si pasojë e aksidentit janë lënduar drejtuesi i automjetit dhe një pasagjer, të cilët janë transportuar në spital për të marrë ndihmën e nevojshme mjekësore. Deri në këto momente nuk janë bërë të ditura detaje mbi gjendjen e tyre shëndetësore.

Në vendin e ngjarjes kanë mbërritur shërbimet e Policisë dhe ekipet e urgjencës, ndërsa grupi hetimor po punon për të sqaruar shkaqet dhe rrethanat e plota të aksidentit.