Kryeministri Edi Rama ka thirrur për të premten, 24 korrik, mbledhjen e zgjeruar të Grupit Parlamentar të Partisë Socialiste dhe kabinetit qeveritar.

Takimi do të zhvillohet në Pallatin e Brigadave, duke nisur nga ora 09:30.

Në njoftimin e shpërndarë për deputetët bëhet me dije se agjenda e mbledhjes do të përcillet në vijim.

“Të nderuar kolegë, ju informoj se të premten, më datë 24.07.2026, në orën 09:30, do të zhvillohet Mbledhja e Zgjeruar e Grupit në Pallatin e Brigadave. Agjenda e mbledhjes do t’ju dërgohet së shpejti”, thuhet në mesazhin e dërguar deputetëve.

Mbledhja pritet të fokusohet në çështje të rëndësishme politike dhe qeverisëse, ndërsa detaje mbi rendin e ditës ende nuk janë bërë publike.