Të dhënat po ngarkohen...
Transmetuar më 20-07-2026, 11:05
Gjykata e Shkodrës i ka dhënë masën e sigurisë “Arrest shtëpie” babë e bir, që u përfshinë në konfliktin me një të plagosur në Poliklinikën e qytetit më 16 korrik.
Seanca gjyqësore, e drejtuar nga gjyqtarja Arta Llazani, prokurori Ndriçim Halilaj dhe avokati Bruno Pepa, mori tjetër rrjedhë, pasi u rrëzua akuza e tentativës për vrasje.
18-vjeçari dhe babai i tij kanë shfaqur pendesë për konfliktin, që sipas tyre ka ardhur në gjaknxehtësi e sipër. Nga hetimet nuk është provuar që i riu ka pasur thikë gjatë konfliktit. Bazuar në provat e paraqitura dhe pendesën e shfaqur, gjykata vendosi masën “Arrest shtëpie”.
Me të njëjtën masë sigurie u la edhe Arben Kepëca, i akuzuar për veprën penale të armëmbajtjes pa leje. Kepëca u mbrojt nga Besmir Vukaj.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd