Gjykata e Shkodrës zhvilloi sot seancën për caktimin e masës së sigurisë ndaj personave të përfshirë në ngjarjen e rëndë të ndodhur katër ditë më parë në ambientet e poliklinikës së qytetit.

Para trupit gjykues u paraqitën shtetasit Agron Mehmeti dhe Avni Fregjaj, të cilët akuzohen për përfshirje në plagosjen e 32-vjeçarit Vildan Kepëca. Gjithashtu, në seancë u paraqit edhe Arben Kepëca, vëllai i të plagosurit.

Sipas hetimeve, ngjarja fillimisht përshkallëzoi kur 18-vjeçari Arvin Fregjaj goditi me thikë 32-vjeçarin Vildan Kepëca. Pas konfliktit, vëllai i të dëmtuarit, Arben Kepëca, tentoi të hakmerrej ndaj 18-vjeçarit, por përshkallëzimi i mëtejshëm u parandalua nga ndërhyrja e menjëhershme e forcave të policisë.

Në kuadër të këtij hetimi, policia ka arrestuar edhe babain e 18-vjeçarit si bashkëpunëtor të dyshuar në veprën penale. Ndërsa grupi hetimor vijon punën për zbardhjen e plotë të motiveve të ngjarjes, gjykata pritet të shpallë vendimin për masat e sigurisë ndaj të arrestuarve.