SHBA – Me triumfin e Spanjës në finalen e Kupës së Botës ndaj Argjentinës (1-0 pas kohës shtesë), mesfushori Rodri shtoi një tjetër trofe prestigjioz në karrierën e tij, duke hyrë në një klub ekskluziv të legjendave të futbollit botëror.

I shpallur edhe lojtari më i mirë i turneut, Rodri u bë futbollisti i shtatë në histori që ka fituar të paktën një “Top të Artë”, një Kupë Bote, një Kampionatin Evropian ose Copa América, si edhe Ligën e Kampionëve.

Para tij, këtë arritje e kishin regjistruar vetëm gjashtë emra të mëdhenj të futbollit: Franz Beckenbauer, Gerd Müller, Zinedine Zidane, Rivaldo, Ronaldinho dhe Lionel Messi.

Legjendat që kanë fituar “Topin e Artë” dhe trofetë më të rëndësishëm të futbollit:

Gerd Müller (Gjermani): “Topi i Artë” 1970, Kupa e Botës 1974, Kampionati Evropian 1972 dhe Kupa Evropiane me Bayern Munich në vitet 1974, 1975 dhe 1976. Franz Beckenbauer (Gjermani): “Topi i Artë” 1972, Kupa e Botës 1974, Kampionati Evropian 1972 dhe Kupa Evropiane me Bayern Munich në vitet 1974, 1975 dhe 1976. Zinedine Zidane (Francë): “Topi i Artë” 1998, Kupa e Botës 1998, Kampionati Evropian 2000 dhe Liga e Kampionëve me Real Madrid në vitin 2002. Rivaldo (Brazil): “Topi i Artë” 1999, Kupa e Botës 2002, Copa América 1999 dhe Liga e Kampionëve me Milan në vitin 2003. Ronaldinho (Brazil): “Topi i Artë” 2005, Kupa e Botës 2002, Copa América 1999 dhe Liga e Kampionëve me Barcelona në vitin 2006. Lionel Messi (Argjentinë): Tetë herë fitues i “Topit të Artë”, kampion bote në vitin 2022, fitues i Copa América në vitet 2021 dhe 2024, si edhe katër herë fitues i Ligës së Kampionëve me Barcelonën. Rodri (Spanjë): “Topi i Artë” 2024, Kampion i Botës 2026, Kampion i Evropës 2024 dhe fitues i Ligës së Kampionëve në vitin 2024.

Me këtë sukses, Rodri konfirmon statusin e tij si një nga mesfushorët më të kompletuar të brezit të tij, ndërsa emri i tij tashmë renditet krah ikonave që kanë dominuar futbollin botëror në epoka të ndryshme.