Qindra protestues kanë vijuar tubimin në rrugët e kryeqytetit, duke përsëritur kërkesat për ndryshime politike dhe dorëheqjen e kryeministrit Edi Rama. Organizatorët deklarojnë se protestat do të vazhdojnë çdo ditë.

TIRANË – Qindra qytetarë kanë vijuar marshimin në akset kryesore të Tiranës, në kuadër të protestës së 50-të kundër qeverisë.

Gjatë ecjes në rrugët e kryeqytetit, protestuesit kanë mbajtur pankarta dhe kanë përsëritur slogane politike kundër mazhorancës, duke shprehur pakënaqësinë e tyre ndaj situatës aktuale në vend.

Mes thirrjeve të dëgjuara gjatë marshimit ishin: “Rama jep dorëheqjen!”, “Poshtë diktatura!”, “Ju erdhi fundi!”, si dhe mesazhe të tjera kundër qeverisë.

Pjesëmarrësit kanë deklaruar se do të vijojnë tubimet e përditshme deri në realizimin e kërkesave të tyre, ndër të cilat vendosin largimin e kryeministrit Edi Rama.

Protesta vijon të zhvillohet në disa akse të kryeqytetit, ndërsa forcat e rendit janë të pranishme për menaxhimin e situatës dhe garantimin e sigurisë gjatë marshimit.