PERU- Të paktën gjashtë persona u vranë dhe 21 u plagosën pasi dy tërmete me magnitudë 5.1 dhe 3.7 të shkallës Rihter goditën provincën malore Chupaca të Perusë të shtunën vonë në mbrëmje.

Sipas kreut të agjencisë së mbrojtjes civile, tërmetet goditën rreth 300 kilometra në lindje të kryeqytetit Lima, sipas Qendrës Kombëtare Sizmologjike të Paros.

Tërmeti i parë kishte një thellësi fokale prej 24 kilometrash dhe i dyti në 18 kilometra. Sipas kreut të Institutit Kombëtar të Mbrojtjes Civile, Luis Vázquez, rreth 48 shtëpi u shkatërruan dhe 18 të tjera u dëmtuan.

Sipas mediave të huaja, tenda janë shpërndarë për rreth 300 persona të prekur ndërsa shtëpitë në komunitetet Chupaca janë kryesisht struktura të improvizuara të ndërtuara prej guri.

Vázquez tha se zjarrfikësit dhe ekipet e tjera të shpëtimit mbërritën në zonë herët të dielën në mëngjes për të hequr rrënojat, pasi ka frikë se njerëzit mund të jenë të bllokuar në rrënoja. Peruja shtrihet në të ashtuquajturën Unaza e Zjarrit të Paqësorit, një zonë përgjegjëse për pothuajse 85% të aktivitetit sizmik në botë.