Spanja ndez atmosferën para finales me Argjentinën, publikon video speciale me kampionët e vitit 2010

Kombëtarja e Spanjës ka publikuar një video të veçantë në rrjetet sociale, pak orë para finales së Botërorit ndaj Argjentinës, që do të luhet më 19 korrik në orën 22:00.

Përmes këtij materiali, Spanja synon të mobilizojë tifozët dhe të krijojë atmosferë para ndeshjes së madhe. Videoja vjen si një lloj përgjigjeje ndaj Argjentinës, e cila më herët gjatë ditës kishte publikuar një video të ngjashme.

Në mbishkrimin e videos së publikuar nga Spanja shkruhet: “Dhe pse të mos jemi kampionë bote në Nju Jork?”

Kjo fjali është marrë nga një deklaratë e Aymeric Laporte gjatë Botërorit 2022 në Katar, kur ai iu përgjigj një pyetjeje të një gazetari për mundësinë që Spanja të fitonte trofeun në Kupën e Botës 2026. Mbrojtësi spanjoll u përgjigj thjesht: “Dhe pse jo?”

Në videon e publikuar marrin pjesë edhe legjendat e vitit 2010, brezi që i solli Spanjës trofeun e parë të Botërorit. Edhe ata drejtojnë të njëjtën pyetje, ndërsa qendërmbrojtësi i “La Roja”-s jep sërish të njëjtën përgjigje.

Shihni videon:

Si nuestros campeones de 2010 lo tienen tan claro…😉 ¿Y POR QUÉ NO?¡Que se note ese hype a tope, afición!#VamosEspaña | #CopaMundialFIFA pic.twitter.com/MBt89OQKFs

— Selección Española Masculina de Fútbol (@SEFutbol) July 18, 2026