Makina del nga rruga në rrugën e Kombiy, gjashtë persona janë plagosur

Një aksident rrugor ka ndodhur në segmentin e Rrugës së Kombit, në afërsi të Rubikut, ku një automjet ka dalë nga rruga duke shkaktuar plagosjen e gjashtë personave, një prej të cilëve më gjendje kritike.

Burime policore thanë për noa.al se ngjarja ndodhi në aksin Milot–Morinë, sot rreth orës 11:20, në Rrugën e Kombit, në kilometrin 14, ka ndodhur një aksident rrugor mes dy automjeteve.

Si pasojë e përplasjes janë plagosur 6 shtetas, të cilët janë transportuar për ndihmë mjekësore.

Katër prej tyre ndodhen në Spitalin e Rrëshenit, jashtë rrezikut për jetën, ndërsa dy të tjerë janë transportuar në Spitalin e Traumës në Tiranë.

Sipas informacionit paraprak nga mjekët, njëri prej të dëmtuarve ndodhet në gjendje të rëndë shëndetësore.

Grupi hetimor ndodhet në vendngjarje dhe po kryen veprimet procedurale për sqarimin e plotë të rrethanave të aksidentit.