Lëvizja retrograde e Saturnit nis më 26 korrik 2026 dhe sjell për shenjat një fazë vetëkritike, reflektimi dhe sqarimesh, që do të zgjasë deri më 10 dhjetor.

Ndryshe nga Merkuri në retrograd, i cili shpesh lidhet me përmbysje, vonesa dhe ngatërresa në përditshmëri, Saturni retrograd nuk sjell kaos. Ai hap një cikël më të thellë vetëdijeje, rishikimi dhe pjekurie.

Saturni simbolizon disiplinën, përgjegjësinë, kufijtë dhe objektivat afatgjata. Kur duket sikur lëviz prapa, ai na fton të shohim më me kujdes jetën tonë dhe të pyesim veten: “A jam vërtet në rrugën e duhur?”

Në të njëjtën kohë, çështje që i kemi lënë mënjanë ose i kemi shtyrë vazhdimisht mund të rikthehen tani dhe të kërkojnë zgjidhje. Kjo periudhë mund të kthehet në një pikë të rëndësishme kthese, sidomos për tre shenja që pritet ta ndiejnë më fort ndikimin e saj.

3 shenjat që do të ndikohen më shumë nga Saturni në retrogradë

Sipas astrologjisë, këto janë tre shenjat që do të preken më shumë nga lëvizja retrograde e Saturnit:

Dashi

Për Dashin, Saturni në retrogradë e kthen vëmendjen te karriera, ambiciet dhe planet afatgjata. Ata mund të fillojnë të pyesin veten nëse rruga profesionale që po ndjekin vazhdon të përputhet me objektivat e tyre, apo nëse gjatë periudhës së fundit e kanë shtyrë veten përtej limiteve.

Saturni i fton të lënë mënjanë nxitimin dhe të zgjedhin një qasje më të qëndrueshme dhe më afatgjatë. Edhe nëse disa ndërgjegjësime duken të vështira në fillim, ato mund t’i çojnë drejt vendimeve më të pjekura dhe më të drejta për të ardhmen.

Gaforrja

Për Gaforret, kjo periudhë sjell sqarime në marrëdhënie dhe në angazhimet personale. Do të bëhet më e lehtë të dallojnë cilat lidhje i mbështesin vërtet dhe cilat i lodhin ose i kufizojnë.

Saturni i nxit të vendosin kufij më të qartë dhe të mos marrin më përsipër përgjegjësi që nuk u takojnë. Mund të lindin biseda të rëndësishme, sidomos në çështje familjare ose brenda një marrëdhënieje dashurie.

Deri në fund të fazës retrograde, ka gjasa që të kenë një pamje më të qartë se ku ia vlen të investojnë kohën dhe energjinë e tyre.

Bricjapi

Si një shenjë që lidhet tradicionalisht me Saturnin, Bricjapi mund ta ndiejë këtë periudhë më fort se të tjerët. Muajt në vijim sjellin mundësinë për një bilanc të thellë: çfarë ka arritur deri tani? Cilat vendime e kanë sjellë në këtë pikë? Dhe ku ka nevojë për më shumë qëndrueshmëri ose ndryshim?

Bricjapi mund të kuptojë se e ka lidhur shumë vlerën e vet me sukseset, ose se ka lënë pas dore nevojat personale në përpjekjen për të arritur objektivat.

Kjo periudhë nuk vjen për ta ndalur, por për ta ndihmuar të ndërtojë një bazë më të fortë, më të qartë dhe më të shëndetshme për të ardhmen.

Për horoskopin ditor, javor e mujor klikoni këtu