SHBA – Anglia e mbylli me fitore rrugëtimin në Kupën e Botës 2026, duke triumfuar 6-4 ndaj Francës në ndeshjen për vendin e tretë. Në një sfidë spektakolare me plot 10 gola, “Tre Luanët” siguruan medaljen e bronztë pas zhgënjimit të eliminimit në gjysmëfinale.

Skuadra e drejtuar nga Thomas Tuchel dominoi plotësisht pjesën e parë, duke shkuar në pushim me avantazhin 4-0. Declan Rice zhbllokoi rezultatin që në minutën e 3-të, ndërsa Ezri Konsa dyfishoi shifrat në të 19-ën. Protagonisti absolut i 45 minutave të para ishte Bukayo Saka, i cili realizoi dy herë në minutat 37 dhe 45+1.

Franca reagoi menjëherë pas rifillimit të lojës. Kylian Mbappé ngushtoi diferencën me golat e shënuar në minutat 48 dhe 66, ndërsa Bradley Barcola realizoi në të 54-ën, duke rikthyer shpresat për një përmbysje.

Megjithatë, Anglia nuk lejoi surpriza. Saka kompletoi tripletën personale në minutën e 87-të, duke shënuar nga pika e bardhë e penalltisë dhe duke çuar rezultatin në 5-3.

Në minutat shtesë nuk munguan emocionet. Ousmane Dembélé realizoi për Francën në minutën e 90+6, por vetëm dy minuta më vonë Jude Bellingham vulosi suksesin e anglezëve me golin e gjashtë, duke fiksuar rezultatin përfundimtar 6-4.

Me këtë fitore, Anglia siguron vendin e tretë në Botërorin 2026, rezultati më i mirë për “Tre Luanët” në një Kupë Bote që nga triumfi historik në vitin 1966.

Francë 4-6 Angli

Golat:

Franca: Mbappé 48’, 66’, Barcola 54’, Dembélé 90+6’ Anglia: Rice 3’, Konsa 19’, Saka 37’, 45+1’, 87’ (p), Bellingham 90+8’