Franca dhe Anglia kanë publikuar formacionet zyrtare për ndeshjen që do të përcaktojë fituesin e medaljes së bronztë në Kupën e Botës 2026.

“Les Bleus” do të zbresin në fushë me disa ndryshime, teksa trajneri Didier Deschamps i ka besuar repartin ofensiv Kylian Mbappés, i cili do të mbështetet nga Michael Olise, Rayan Cherki dhe Désiré Doué.

Në mesfushë, Franca pritet të drejtohet nga Warren Zaïre-Emery dhe Adrien Rabiot, ndërsa në stol qëndrojnë emra të rëndësishëm si Ousmane Dembélé, Bradley Barcola, Aurélien Tchouaméni, Marcus Thuram dhe William Saliba.

Edhe Anglia vjen me një formacion të ndryshuar. Trajneri Thomas Tuchel ka zgjedhur Ivan Toneyn si sulmuesin kryesor, ndërsa pas tij do të aktivizohen Bukayo Saka, Eberechi Eze, Morgan Rogers dhe Marcus Rashford.

Në mesin e fushës, roli kryesor pritet t’i besohet Declan Rice, ndërsa në dispozicion nga stoli janë alternativa të rëndësishme si Harry Kane, Jude Bellingham, Ollie Watkins, Reece James dhe Anthony Gordon.

Përballja mes Francës dhe Anglisë do të nisë në orën 23:00 dhe do të vendosë se cila prej dy kombëtareve do të largohet me medaljen e bronztë nga Botërori 2026.