Kristjan Asllani do të jetë pjesë e skuadrës së Interit për fazën përgatitore në Gjermani, por e ardhmja e mesfushorit shqiptar duket se mbetet jashtë klubit zikaltër.

Sipas raportimeve të “La Gazzetta dello Sport”, Interi ka vendosur që të mos e bllokojë largimin e Asllanit, nëse mbërrin një ofertë që konsiderohet e përshtatshme nga drejtuesit e klubit.

Deri më tani, asnjë nga propozimet e paraqitura nuk ka bindur Interin, ndaj mesfushori i Kombëtares shqiptare do të vijojë përgatitjet me ekipin, në pritje të zhvillimeve të reja në merkato.

Klubi italian ka vendosur një vlerë rreth 10 milionë euro për kartonin e tij dhe është i hapur edhe për një formulë huazimi me të drejtë blerjeje.

Interesimi për Asllanin ka ardhur nga disa klube, veçanërisht nga kampionati italian, ndërsa nuk përjashtohet edhe një aventurë e re jashtë Serie A.

Mesfushori shqiptar nuk ishte pjesë e rëndësishme e planeve të trajnerit Cristian Chivu gjatë sezonit të fundit. Ai fillimisht u aktivizua te Torino dhe më pas te Besiktas, ku kërkoi më shumë hapësira për të luajtur.

Tashmë Interi pret ofertën e duhur për të vendosur përfundimisht të ardhmen e lojtarit që konsiderohet një nga figurat kryesore të Kombëtares shqiptare.