Pogradec – Një aksident rrugor është regjistruar këtë të shtunë në aksin nacional Pogradec-Korçë, në zonën e Qafë-Plloçës, ku si pasojë kanë mbetur të plagosur dy persona.

Sipas informacioneve paraprake, në aksident janë përfshirë dy automjete, të cilat janë përplasur me njëra-tjetrën.

Për shkak të goditjes së fortë, kanë pësuar dëmtime drejtuesi i njërit prej mjeteve dhe një fëmijë që udhëtonte me të.

Të plagosurit janë transportuar në spitalin e Pogradecit për të marrë ndihmën mjekësore dhe, sipas të dhënave të para, ndodhen jashtë rrezikut për jetën.

Policia ndodhet në vendngjarje dhe po punon për zbardhjen e rrethanave të plota të aksidentit.