Të dhënat po ngarkohen...
Transmetuar më 17-07-2026, 19:53
Një incident është regjistruar mbrëmjen e së premtes pranë godinës së Kryeministrisë, pak para nisjes së marshimit të protestuesve.
Një grua u shoqërua nga efektivët e Policisë së Shtetit, ndërsa dëgjohet duke kundërshtuar me ulërima veprimin e uniformave blu. Në vendngjarje ndodheshin gjithashtu qytetarë dhe protestues që po grumbulloheshin për tubimin.
Deri më tani nuk është bërë i ditur motivi i shoqërimit të gruas dhe as nëse ndaj saj është ndërmarrë ndonjë procedurë tjetër nga autoritetet.
Ndërkohë, në sheshin “Skënderbej” vijon grumbullimi i protestuesve, të cilët pritet të marshojnë drejt Kryeministrisë në kuadër të tubimit të paralajmëruar.
Pritet që autoritetet të japin një reagim zyrtar për rrethanat e incidentit të regjistruar para nisjes së protestës.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd