Kërkesa e lartë për finalen ka çuar në rritje rekord të çmimeve, ndërsa edhe kostot e transportit dhe shërbimeve për tifozët janë rritur ndjeshëm.

Etja e tifozëve për të ndjekur nga afër finalen e Kupës së Botës ka bërë që çmimet e biletave të arrijnë nivele rekord në tregun e rishitjes.

Sipas raportimeve, një biletë standarde për ndeshjen finale kushton rreth 7,340 euro, ndërsa paketat më ekskluzive dhe vendet premium shiten deri në 66,012 euro.

Çmimet mbeten dinamike dhe ndryshojnë vazhdimisht në varësi të kërkesës dhe ofertës në treg, duke funksionuar në mënyrë të ngjashme me luhatjet e bursës.

Përveç kostos së biletave, tifozët që do të ndjekin finalen në stadiumin “MetLife” duhet të përballojnë edhe shpenzime të konsiderueshme për transportin, akomodimin dhe ushqimin, të cilat gjithashtu kanë shënuar rritje për shkak të interesit të madh për këtë event.

Ndërkohë, FIFA ka shitur edhe 1,200 biletat e fundit të disponueshme me një çmim prej 6,471 euro secila, duke konfirmuar kërkesën e lartë për finalen e turneut.

Finalja e Kupës së Botës pritet të jetë një nga ngjarjet sportive më të ndjekura të vitit, me mijëra tifozë të pranishëm në stadium dhe miliona të tjerë që do ta ndjekin përmes transmetimeve televizive në mbarë botën.