Ish-banorja e “Big Brother VIP” ngriti pyetje mbi rënien e martesave dhe lindjeve, duke ftuar ndjekësit të ndajnë mendimet e tyre për arsyet që po ndikojnë te të rinjtë.

Françeska Murati ka hapur një debat në rrjetet sociale lidhur me një fenomen që po diskutohet gjithnjë e më shpesh: rënien e numrit të martesave dhe lindjeve.

Përmes një postimi në InstaStory, ajo u shpreh me humor se gjatë kësaj vere nuk ka marrë pjesë në asnjë dasmë, ndërsa e lidhi këtë fakt me raportimet për uljen e lindjeve në vend.

“O rini, çfarë po ndodh? Pse nuk po martoheni më? Këtë verë s’po kapem në asnjë dasmë. Ndërkohë lajmet thonë se lindjet kanë rënë me 8.1%”, shkroi Murati.

Më tej, ish-banorja e “Big Brother VIP” u kërkoi ndjekësve të saj të japin mendimin mbi faktorët që, sipas tyre, po ndikojnë në vendimin e të rinjve për të shtyrë martesën apo krijimin e familjes.

“Po prisni të bëheni gati të gjithë, apo thjesht jemi në një kohë ku është bërë shumë e vështirë për të gjetur një person? Jam kurioze ta di: çfarë mendoni se është arsyeja kryesore?”, pyeti ajo.

Postimi i Françeska Muratit ka nxitur komente dhe diskutime në rrjetet sociale, ku shumë ndjekës kanë ndarë këndvështrimet e tyre mbi ndryshimet sociale, ekonomike dhe personale që ndikojnë në vendimet për martesë dhe krijimin e familjes.