Një incident mes Jude Bellingham dhe Valentín Barco pas përfundimit të gjysmëfinales së Kupës së Botës mes Argjentinës dhe Anglisë ka shkaktuar debat të madh në rrjetet sociale.

Mbrojtësi argjentinas, i cili nuk u aktivizua gjatë ndeshjes, u bë protagonist gjatë festimeve për kualifikimin e Argjentinës në finale.

Në pamjet e transmetuara pas ndeshjes, Bellingham shihet duke e goditur Barkon në pjesën e pasme të kokës, një veprim që ngjalli reagime të shumta dhe ngriti pikëpyetje mbi arsyet e sjelljes së mesfushorit anglez.

Megjithatë, video të tjera të publikuara më pas në rrjetet sociale ofrojnë një tjetër version të ngjarjes. Në to, Barco shihet duke hyrë në fushë pas golit të barazimit të Enzo Fernández dhe duke festuar pranë futbollistëve anglezë, në një mënyrë që është interpretuar nga shumë tifozë si provokuese.

Sipas këtyre pamjeve, ky episod mund të ketë ndikuar në reagimin e Bellingham në fund të sfidës, duke lënë të kuptohet se mesfushori anglez nuk e kishte harruar provokimin gjatë festimeve.

Ngjarja ka shtuar diskutimet pas ndeshjes mes dy përfaqësueseve, ndërsa tifozët vijojnë të debatojnë nëse reagimi i Bellingham ishte pasojë e provokimeve të mëparshme apo një gjest i panevojshëm në fund të një përballjeje me rivalitet të lartë.

😱 ¡EL ENGANCHÓN DE BELLINGHAM CON LOS JUGADORES DE ARGENTINA TRAS EL FINAL!#NuestroMejorMundial #NuestroMejorMundialAS @jfelixdiaz @as_tv pic.twitter.com/9Y8rlgG2TL

— Diario AS (@diarioas) July 15, 2026