Argjentina ka siguruar një vend në finalen e Botërorit, pasi mposhti Anglinë me rezultatin 2-1 në një ndeshje të luftuar, duke përmbysur disavantazhin e pjesës së dytë.

Rasti i parë i rrezikshëm i takimit u regjistrua në minutën e 33-të, kur John Stones iu afrua golit për Anglinë, por pa arritur të finalizojë. Argjentina reagoi pak më vonë me Enzo Fernandez, i cili testoi mbrojtjen angleze.

Në fillimin e pjesës së dytë, Anthony Gordon kaloi Anglinë në avantazh, duke i dhënë përkohësisht epërsinë "Tre Luanëve".

Megjithatë, skuadra e drejtuar nga Lionel Scaloni reagoi shpejt. Enzo Fernandez riktheu baraspeshën me një gol të bukur, ndërsa goli i kualifikimit erdhi në vazhdim, kur Lautaro Martínez realizoi me kokë pas një asistimi të Lionel Messit.

Me këtë fitore, Argjentina siguron kualifikimin në finalen e Botërorit, ku do të përballet me Spanjën në sfidën që do të vendosë fituesin e trofeut botëror.