Të dhënat po ngarkohen...
Transmetuar më 15-07-2026, 17:22
Partia Socialiste pritet të paraqesë propozimin e saj për hartën e re territoriale të Shqipërisë, duke përcaktuar numrin e bashkive që do të ketë vendi pas reformës së re.
Burime bëjnë me dije se PS do të fokusohet në ndryshimin e ndarjes territoriale, ndërsa propozimi parashikon që Shqipëria të organizohet në rreth 40 deri në 50 bashki.
Mbledhja e Komisionit të Posaçëm për Reformën Territoriale u zhvillua këtë të mërkurë në Kuvend, por sipas burimeve nuk u arrit dakordësi për rendin e ditës, duke shënuar përfundimin e fazës së punës së komisionit.
Sipas të njëjtave burime, miratimi i hartës së re territoriale pritet të zhvillohet më 23 korrik.
Ndërkohë, në sesionin e ri parlamentar pritet të shqyrtohen ndryshimet në ligjin për vetëqeverisjen vendore dhe ligjin për financat vendore, të cilat lidhen drejtpërdrejt me riorganizimin e njësive vendore.
Reforma e re territoriale synon rishikimin e ndarjes aktuale administrative, e cila prej vitit 2015 funksionon me 61 bashki në të gjithë vendin.
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd