Një grup anëtarësh dhe deputetësh të Lidhjes Demokratike të Kosovës kanë dorëzuar firmat që kërkojnë mbledhjen e Kuvendit të Jashtëzakonshëm të partisë për shkarkimin e kryetarit Lumir Abdixhiku.

Lajmi është konfirmuar për Euronews Albania nga deputeti i LDK-së, Armend Zemaj.

Sipas raportimeve, nënshkrimet janë dorëzuar në Sekretariatin e LDK-së, në përputhje me procedurat e përcaktuara në Statutin e partisë.

Gazetari Xhemajl Rexha ka bërë me dije se kërkesa synon thirrjen e Kuvendit të Jashtëzakonshëm, ku do të diskutohet për drejtimin e ardhshëm të partisë dhe mundësinë e zgjedhjes së një lideri të ri.

Dorëzimi i firmave është bërë nga një grup deputetësh dhe përfaqësuesish të disa degëve të LDK-së, pa praninë e kamerave.