Tregtia e jashtme e Kinës ruajti një vrull të fortë rritjeje gjatë gjysmës së parë të vitit 2026, duke nënvizuar qëndrueshmërinë e ekonomisë së dytë më të madhe në botë, pavarësisht pasigurive të vazhdueshme globale.

Të dhënat e publikuara të martën nga Administrata e Përgjithshme e Doganave tregojnë që prej janarit deri në qershor vlera e përgjithshme e tregtisë së mallrave arriti në 3.75 trilionë dollarë me një rritje 16.9 % krahasuar me të njëjtën periudhë të një viti më parë.

Eksportet vazhduan të zhvendosen drejt prodhimit në nivelit më të lartë dhe teknologjive të përparuara, duke u zgjeruar për 11 tremujorë radhazi, me produktet e teknologjisë së lartë që u shtuan 39 % në baza vjetore, duke arritur shifrën 3.26 trilionë juanë.

Produktet elektromekanike përbënin 63.5 % të totalit të eksporteve. Dërgesat jashtë vendit të robotëve industrialë vazhduan të shtohen, duke reflektuar forcën në rritje të Kinës në prodhimin e përparuar, ndërsa eksportet e pajisjeve shtëpiake përfituan nga përmirësimi i cilësisë së produkteve dhe njohja më e fortë e markës.

Importet arritën gjithashtu një moment të ri historik, duke i kaluar për herë të parë 10 trilionët juanë në gjysmën e parë të një viti në histori.

Rritja e importeve e tejkaloi atë të eksporteve me 8.7 pikë përqindje, duke kontribuuar në një strukturë tregtare më të balancuar.

Kompanitë private vazhduan të luajnë rol kryesor në tregtinë e jashtme të vendit, me një vlerë të përgjithshme importesh dhe eksportesh prej 14.53 trilionë juanësh, 17 % më shumë se gjatë së njëjtës periudhë të një viti më parë, duke zënë 57 % të vëllimit të përgjithshëm të tregtisë të jashtme dhe duke i bërë ato kontribueset më të mëdha në rritjen e përgjithshme tregtare.

Sipërmarrjet me investime të huaja regjistruan shtim të tregtisë për tremujorin e nëntë radhazi, ndërsa ndërmarrjet shtetërore shënuan rritje prej 16.8 %, dhe të tre llojet kryesore të faktorëve të tregut ruajtën hovin e qëndrueshëm.