Kryeministri Edi Rama ka publikuar disa fotografi nga pjesëmarrja e tij në Samitin e Koalicionit të Vullnetmirëve, i mbajtur këtë të hënë në Paris.

Rama ndodhet në kryeqytetin francez me ftesë të presidentit Emmanuel Macron, për të marrë pjesë në samitin e organizuar në mbështetje të Ukrainës, në prag të Paradës Ushtarake të 14 Korrikut, që shënon Festën Kombëtare të Francës.

Në një postim në rrjetet sociale, kreu i qeverisë shkruan:

"Paris, Francë – Me ftesë të Presidentit të Francës, Emmanuel Macron, në Samitin e Koalicionit të Vullnetmirëve, në mbështetje të Ukrainës dhe në vigjilje të Paradës së Madhe Ushtarake të 14 Korrikut."

Fotot e publikuara tregojnë momente nga samiti dhe takimet e zhvilluara në kuadër të aktivitetit ndërkombëtar.