TIRANË – Kuvendi i Shqipërisë është mbledhur sot në seancë plenare, teksa godina e institucionit është blinduar nga masa të shtuara sigurie. I gjithë perimetri i Parlamentit është rrethuar me një gardh metalik, duke bllokuar plotësisht hyrjen kryesore të godinës.

Si pasojë e këtyre masave të jashtëzakonshme, deputetët e Partisë Socialiste janë detyruar të futen në ambientet e brendshme përmes hyrjes anësore, e cila ndodhet në krahun e Akademisë së Shkencave.

Strukturat e sigurisë i kanë pozicionuar gardhet metalike përgjatë të gjithë perimetrit të institucionit, duke krijuar një distancë të sigurisë mes godinës parlamentare dhe sheshit kryesor.