Fluksi i shtuar i automjeteve ka shkaktuar radhë të gjata në Pikën Kufitare të Qafë-Thanës, ku dhjetëra drejtues mjetesh po presin për të kaluar drejt Maqedonisë së Veriut.

Sipas pamjeve të siguruara nga terreni, kolona e automjeteve shtrihet për disa kilometra, ndërsa lëvizja në pikën kufitare vijon me ritme të ngadalta.

Deri më tani, autoritetet nuk kanë dhënë një njoftim zyrtar mbi shkaqet e krijimit të radhëve apo kohën e pritjes për udhëtarët.

Pritet që institucionet përgjegjëse të japin më shumë informacion lidhur me situatën dhe masat e marra për normalizimin e qarkullimit në këtë pikë kufitare.