Tiranë, 12 korrik 2026 – Një 50-vjeçar ka humbur jetën si pasojë e një atentati me armë zjarri të ndodhur në orët e para të mëngjesit në fshatin Bërxullë, në Vorë.

Sipas informacionit paraprak të Policisë së Shtetit, sot rreth orës 00:10, shtetasi me inicialet E. (A.) S., rreth 50 vjeç, dyshohet se është qëlluar për vdekje me armë zjarri teksa po lëvizte në këmbë në rrugë.

Viktima ishte në këmbë duke u kthyer në shtëpi dhe teksa po i afrohej asaj, u qëllua me armë zjarri nga persona të panjohur të cilët pasi e vranë ikën në drejtim të paditur.

Burime të tjera e identifikojnë viktimën si Edmond (Ali) Sula, ndërsa identiteti i plotë nuk është konfirmuar zyrtarisht nga autoritetet.

Menjëherë pas marrjes së njoftimit, shërbimet e Policisë mbërritën në vendngjarje dhe nisën veprimet hetimore.

Një grup i posaçëm hetimor, nën drejtimin e Prokurorisë, po punon për zbardhjen e plotë të rrethanave të ngjarjes, dokumentimin e provave dhe identifikimin e autorit ose autorëve të dyshuar.

Policia ka ngritur pika kontrolli dhe po ushtron kontrolle në zonë me qëllim lokalizimin dhe kapjen e personave të përfshirë në ngjarje. Hetimet vijojnë.

Vorë/Informacion paraprak

Më datë 12.07.2026, rreth orës 00:10, në fshatin Bërxullë, Vorë, dyshohet se është vrarë me armë zjarri shtetasi E(A). S., rreth 50 vjeç, i cili ka qenë në rrugë, duke lëvizur në këmbë.

Një grup i posaçëm hetimor, nën drejtimin e Prokurorisë, ndodhet në vendngjarje dhe vijon punën për sqarimin e rrethanave të ngjarjes, si dhe për fiksimin e çdo prove që do të ndihmojë në zbardhjen e saj, identifikimin dhe kapjen e autorit/ëve të dyshuar.

Shërbimet e Policisë kanë ngritur pika kontrolli dhe po ushtrojnë kontrolle në zonë, me qëllim kapjen e autorit/ëve.