Një burrë është vrarë me armë zjarri në zonën e Dukagjinit, në qarkun e Shkodrës.

Rrethanat dhe shkaqet e ngjarjes mbeten ende të paqarta, ndërsa nuk janë bërë të ditura detaje mbi identitetin e viktimës.

Shërbimet e Policisë janë nisur drejt vendngjarjes për të zbardhur rrethanat e krimit, ndërsa distanca e largët ka vështirësuar mbërritjen e tyre në zonë.

Shkodër/Informacion paraprak

Rreth orës 19:00, në aksin rrugor Prekal–Kir, është gjetur në automjet, i dyshuar i vrarë me armë zjarri, shtetasi A. K.

Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.

Ndërkohë, është ngritur një grup i posaçëm hetimor dhe nën drejtimin e Prokurorisë, po punohet intensivisht për fiksimin dhe administrimin e çdo prove që do t’i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve.