Presidenti i Turqisë, Recep Tayyip Erdogan, u dhuroi liderëve të vendeve anëtare të NATO-s nga një revolver të personalizuar me emrin e secilit, në përfundim të samitit të Aleancës.

Mes përfituesve të kësaj dhurate ishte edhe kryeministri Edi Rama. Sipas raportimeve, revolveri i dhuruar nga Presidenti Erdogan do të vendoset në muzeun e dhuratave zyrtare që ndodhet në ambientet e Kryeministrisë.

Bëhet fjalë për modelin turk Sarsılmaz SR 38, një revolver me tambur me kapacitet prej gjashtë fishekësh, i projektuar për të përdorur municionet .357 Magnum dhe .38 Special.

Arma është e pajisur me mekanizëm me veprim të dyfishtë (double action) dhe është prodhuar prej çeliku të farkëtuar, duke kombinuar karakteristika teknike të qëndrueshmërisë dhe funksionalitetit.