KURBIN, 10 Korrik 2026 – Policia ka arritur të identifikojë autorin e dyshuar të atentatit të rëndë të regjistruar mbrëmjen e së enjtes në qytetin e Laçit, ku mbeti i vrarë 40-vjeçari Ilir Lika (Gjini). Pas hetimeve intensive dhe mbledhjes së provave në skenën e krimit, strukturat hetimore kanë shpallur në kërkim shtetasin Emiljan Suti, si autorin kryesor të dyshuar për këtë ngjarje.

Sipas informacioneve zyrtare, forcat e rendit kanë nisur një operacion në shkallë të gjerë për lokalizimin dhe prangosjen e të dyshuarit. Ndërkohë, grupi hetimor po vijon punën në bashkëpunim me Prokurorinë për të zbardhur plotësisht motivet dhe dinamikën e plotë të këtij krimi.