Autoritetet ukrainase kanë nisur hetime pas incidenteve të ndodhura në qytetin e Lvivit, në Ukrainën perëndimore, ku një operacion për rekrutimin e një të riu në ushtri u shoqërua me përplasje mes civilëve dhe forcave të rendit.

Zyra e Prokurorit të Përgjithshëm bëri të ditur se janë hapur dy hetime paraprake penale lidhur me ngjarjen, e cila përfshiu pjesëtarë të forcave të armatosura, efektivë të policisë dhe rreth 200 qytetarë.

Pamjet e publikuara në rrjetet sociale tregojnë dhjetëra persona që rrethojnë një automjet të ushtrisë, duke brohoritur dhe protestuar. Në video shihet gjithashtu se automjeti dëmtohet, i thyhet xhami i përparmë dhe më pas përmbyset nga turma.

Sipas Qendrës Rajonale të Rekrutimit, incidenti nisi pasi një i ri u ndalua gjatë një kontrolli në rrugë dhe, pas verifikimeve, rezultoi se kishte shkelur rregulloret që lidhen me rekrutimin ushtarak.

Në një deklaratë, qendra tha se një grup qytetarësh rrethoi automjetin e shërbimit ushtarak, u soll në mënyrë agresive, i shkaktoi dëme të konsiderueshme dhe përfundimisht e përmbysi atë.

Ndërkohë, Policia e Ukrainës njoftoi se ka nisur një hetim për sulm ndaj një efektivi policie, ndërsa bëri të ditur se autori i dyshuar i incidentit është identifikuar.

Ngjarja vjen në një kohë kur procesi i mobilizimit dhe rekrutimit ushtarak në Ukrainë vazhdon të shkaktojë debate dhe tensione në pjesë të ndryshme të vendit.

Riots have erupted in Lviv over the forced mobilization of young men for Zelensky's meat grinder. End the war. pic.twitter.com/cbHEScSVLg

— Ian Miles Cheong (@ianmiles) July 8, 2026