KORÇË – Një ngjarje e rëndë ka ndodhur mesditën e sotme në një lagje periferike të qytetit të Korçës, ku një sherr mes dy të rinjve ka degjeneruar në përdorimin e armëve të ftohta.

Për pasojë, njëri prej të rinjve ka marrë plagë të rënda nga goditjet me thikë.

Burime zyrtare bëjnë me dije se i dëmtuari nga ky konflikt është shtetasi Rigels Janaqi.

Ai është transportuar drejt spitalit rajonal të Korçës, ku po merr ndihmën e nevojshme mjekësore dhe ndodhet nën kujdesin e bluzave të bardha.

Policia ka reaguar duke bërë të mundur identifikimin dhe kapjen në kohë rekord të autorit të dyshuar të sulmit. Ai është shtetasi Gëzim Ramka.