KRUJË, 8 Korrik 2026 – Një shpërthim me lëndë plasëse ka ndodhur mëngjesin e kësaj të mërkure në Krujë, ku shënjestër ka qenë një automjet i parkuar. Nga të dhënat e para të strukturave policore, si pasojë e shpërthimit ka pasur vetëm dëme të materiale dhe nuk raportohet për persona të lënduar.

Grupi hetimor ka sekuestruar kamerat e sigurisë rreth zonës së ngjarjes, të cilat kanë fiksuar edhe autorin e dyshuar. Në pamje shihet një person i veshur me rroba të errëta për të shmangur identifikimin, i cili pasi ka vendosur lëndën plasëse në mjet, është larguar me shpejtësi në këmbë.

Burime nga policia bëjnë me dije se sasia e tritolit të përdorur ka qenë e vogël. Nisur nga kjo dinamikë, dyshimet kryesore të hetuesve bien mbi një paralajmërim të mundshëm ndaj pronarit të automjetit, për shkak të konflikteve që ky i fundit dyshohet se ka pasur së fundmi lidhur me çështje pronësie. Policia po vijon punën për identifikimin e plotë të autorit dhe zbardhimin e rrethanave të ngjarjes.