Ankara, 7 korrik 2026 – Është publikuar fotoja familjare nga darka shtetërore e organizuar nga presidenti turk Recep Tayyip Erdoğan me udhëheqësit e vendeve anëtare të NATO-s, në kuadër të samitit të Aleancës që po zhvillohet në Ankara.

Samiti i NATO-s ka nisur më 7 korrik dhe do të vijojë edhe më 8 korrik, me pjesëmarrjen e liderëve të vendeve aleate për të diskutuar çështje të sigurisë dhe bashkëpunimit brenda Aleancës.

Kryeministri Edi Rama ka mbërritur në Turqi për të marrë pjesë në punimet e samitit. Rama dhe bashkëshortja e tij, Linda Rama, u pritën zyrtarisht në Ankara nga presidenti Erdoğan dhe bashkëshortja e tij.

Gjatë zhvillimit të samitit, kryeministri Rama pritet të zhvillojë një takim me Sekretarin e Përgjithshëm të NATO-s, Mark Rutte, si dhe të marrë pjesë në sesionet e punës me liderët e vendeve aleate.