ANKARA – Presidenti i Shteteve të Bashkuara, Donald Trump, ka shprehur vlerësim për kryeministren italiane Giorgia Meloni, por njëkohësisht e ka kritikuar për qëndrimin e saj lidhur me konfliktin me Iranin.

Gjatë një takimi dypalësh me presidentin turk Recep Tayyip Erdoğan, në kuadër të samitit të NATO-s në Ankara, Trump deklaroi se, pavarësisht marrëdhënies së mirë mes tyre, Meloni nuk e mbështeti administratën amerikane në çështjen e Iranit.

"Më pëlqen, është një person i mirë, por nuk ishte me ne për Iranin," u shpreh presidenti amerikan.

Trump dhe Meloni kanë ndërtuar më herët një marrëdhënie të afërt politike, megjithatë deklaratat e fundit sugjerojnë një ftohje të raportit mes tyre pas zhvillimeve që lidhen me konfliktin në Lindjen e Mesme.

Pak ditë më parë, Trump publikoi në platformën e tij Truth Social një video ku shfaqej Meloni duke ngritur sytë gjatë një takimi, të shoqëruar me mbishkrimin: "Nevojitet urdhër ndalimi."

Deri në publikimin e këtij lajmi, kryeministrja italiane Giorgia Meloni nuk kishte reaguar publikisht ndaj komenteve të presidentit amerikan.