Adoleshenti shqiptar arrin të fusë një vajzë në shtëpi. Ato që ndodhën i filmoi të gjitha

GREQI- Një rast jashtëzakonisht serioz dhe i ndjeshëm që përfshin abuzimin me të mitur u nxor në dritë nga autoritetet policore të Selanikut.

Zyrtarët e Nën-Drejtorisë së Mbrojtjes së të Miturve kanë ngritur një padi penale shumë të rëndë kundër një 14-vjeçari, pas një kallëzimi zyrtar për përdhunimin e një vajze 15-vjeçare.

Sipas mediave të huaja, në kallëzim përshkruhet se, 14-vjeçari, shtetas shqiptar, e detyroi me forcë bashkëkombësen e tij 15-vjeçare të kryente akte seksuale, duke anashkaluar plotësisht pëlqimin e saj.

Elementi që shkakton tronditje edhe më të madhe është se i mituri akuzohet se ka filmuar skenat e abuzimit, duke i ruajtur veprimet e tij në celular.

Menjëherë pas raportimit të incidentit, autoritetet kryen një kontroll në shtëpinë e të pandehurit 14-vjeçar, ku gjetën dhe sekuestruan media të ndryshme dixhitale.

Materiali i sekuestruar është dërguar në Nëndrejtorin e Hetimeve Mjeko-Ligjore të Greqisë Veriore, ku personel i specializuar po kryen testime laboratorike.

Dosja e çështjes do t’i dorëzohet Prokurorit kompetent. Sipas të dhënave të hetimit të policisë, ngjarja dyshohet se ka ndodhur në dhjetor 2025.